> Цаг уурын шинжилгээний мэдээ
Сарын тойм
2024 оны 4 дугаар сарын цаг агаарын нөхцлийн тойм
Агаарын температурын сарын дундаж утга нийт нутгаар 5.0-с...8.8 градус дулаан байлаа. Агаарын температурыг олон жилийн дундаж утгатай харьцуулахад нийт сумдын нутгаар олон жилийн дунджаас дулаан байлаа.
Хур тунадас: Нийт сумдын нутгаар сардаа 6-12 удаа 2.6-33.7 мм тунадас орсон байна. Хамгийн их тунадас Баяннуур суманд 33.7мм орсон бөгөөд орсон тунадасны хэмжээг олон жилийн дундаж утгатай харьцуулахад Тэшиг, Хутаг, Сэлэнгэ, Булган сумдын нутгаар ОЖД-с бага, Могод, Орхон, Сайхан сумдын нутгаар ОЖД орчим бусад сумдын нутгаар ОЖД-с их тунадас орсон байна.
Салхи: Сарын хамгийн их салхи Гурванбулаг, Баяннуур суманд 27 м/с бусад сумдын нутгаар 9-24 м/с хүрч салхилжээ. Сардаа 10 м/с-ээс дээш давж салхилсан өдөр Хангал сумын нутгаас бусад сумдын нутгаар 8-26 өдөр ажиглагдсан байна.
Ургамал: 2024 оны 04-р сарын 30-ны байдлаар нийт сумдын нутгаар ургамлын өндөр 1-4 см өндөр, ургамлын ургалтын үнэлгээ Сэлэнгэ, Гурванбулаг, Дашинчилэн сумдын нутгаар сайн бусад сумдын нутгаар дунд үнэлгээтэй байна.
Булган УЦУОШТ. Тойм бичсэн инженер Д.Энхээ
2024-05-02.